Мамандар даярлау сапасын қамтамасыз ету қазіргі кездегі Қазақстан Республикасының мемлекеттік білім беру саясатының негізі болып отыр, сондай-ақ бұл білім беру сапасын көтеруге, сапа стандарттарын, нормативтерін және өлшемін анықтауға, білім алушының білім деңгейін және тәжірибелік дағдылырын көтеруге, оқу үрдісін ғылыми және оқу-әдістемелік қамтамасыз етуге, жоғары оқу орнының материалды-техникалық, әлеуметтік-тұрмыстық және ақпараттық инфрақұрылымын жетілдіруге, жоғары оқу орынын басқару механизмдері мен құралдарын жетілдіруге бағытталған. Көптеген жоғары оқу орындары білім беру сапасының мәселелерін ИСО 9001 халықаралық стандарттар талаптарын орындау арқылы шешуге ұмтылады. Бұл стандарт тұтынушылардың талаптарын қанағаттандыруға бағытталған ережеге негізделген. Сапа жүйесі барлық қызмет процедураларын құжаттандыру, ұйымдар мен мекемелерді басқару үрдісін ашық және анық көрсету, персоналдың ішкі ынтасын қалыптастыру, қызметті жүзеге асыру барысында нәтижесін идентификациялау және бақылау, басшылықтың қызмет нәтижесі сапасына жауапкершілігі қағидаларына сүйенеді. Жоғары кәсіптік білім беру ұйымдарында сапа менеджменті жүйесінің жұмыс істеуі сапалы мамандар дайындауда мәселелерді едәуір шешуге мүмкіндік береді. Бұл қиын әрі сан қырлы мақсат. Ұйымның барлық салаларын қамтиды және әрбір қызметкерге қатысты. 2009 жылдан бастап ШТІКУ халықаралық ISO 9001 стандартына өтті, бүгінде ISO 9001-2015 стандартына сай сапа менеджменті жүйесін енгізді және сертификаттады. Сапа менеджменті жүйесін қалыпты жұмыс жағдайында ұстап тұру ішкі нормативтік-құқықтық базаны жетілдіру арқылы, жүйелі түрде ішкі аудит жүргізумен, сондай-ақ сертификаттау жөніндегі органның инспекциялық бақылауымен жүзеге асырылады. Жүктелетін файлдар: 1. Сапа саласындағы мақсат 2. Сапа саласындағы саясат 3. Сапа менеджменті жүйесі құжаттары